y triawd amser : CONGO

Mae’r Triawd Amser ar siwrne i’r jyngl yn Affrica, yn dilyn stori am bresenoldeb bwci y jyngl, bwgan chwedlonol dyffryn N’gomo, cwm anghysbell sy’n bwydo dŵr i afon fawr y Congo, a man lle nad yw’r brodorion yn fodlon mentro. Ai ffrwyth dychymyg y brodorion yw’r bwci, neu oes ’na lawer mwy i’r ubain a’r crochlefain erchydus sy’n treiddio o fieri dyfnaf Affrica? Gan rwyfo ar hyd afon N’gomo ac ymgiprys â hipos anferth, mosgitos sydd am waed pawb, a rhai o’r crocodeils mwya dan haul, mae’r ateb yn dod i’r fei — ac mae rhywbeth enfawr o’i le.